කුඩා දිය කිඳුරිය

 "In the end, when she cannot bring herself to kill the prince with the dagger, she prepares to throw herself into the sea. "


- little mermaid-


ගී කියූ මා හඬ අතැර,

ඔබ සොයා ඒමට

දෙපා උගසට ගතිමි.


පිහිනා යනු විනා දියඹට,

කඳු හෙල් තැනිතලා නුහුරුය,

සිතියම් නොමැත මා අත,

ඔබ සිටින්නේ කොහෙද, කොතැනද,

පෙම්වත, නොදනිමි ඉතින් මම.


රෝස කටු, කුඩා ගල් පතුරු,

ඇනී රිදුම් දෙයි දෙපතුල,

කියවාගත හැකි වෙයි ද ඔබට

මේ රිදුම් අතරින් ඇස් වල

ලියවී ඇති ප්‍රේමය.


ආදරේ හලාහල විෂ ඔඩම,

මා අත්ල මත තබා ඔබ නික්මෙන,

ආපසු යනු නොහැක මුහුදට,

මේ මහ පොළවද 

නොවෙයි මට නිවහන.


නොවිය යුතු දෑ සිදුවෙයි

ලෝකය නොනැවතී කැරකෙයි,

ආදරේ හඬ නොනගන ඉකියක්ව

මුහුදු විලාපයක සැඟවෙයි.


ඔබ නිසා සියලු දේ අහිමිව,

බිඳුණු හදවත අතැතිව,

පෙණ පිඬක් වී දියව යමි සදහට.


ආදරේ මේ තරම් දරුණු ද,

සාගරේකට දරන්නට බැරි 

තරමට!!





Comments

  1. කාලෙකින් මතක් වෙලා වගේ. 😃😃😃

    අපූරුයි කවිය..

    ReplyDelete
  2. මේ වන විටත් ඔබගේ බ්ලොගය අප අපගේ සින්ඩියට ඇතුලත් කොට හමාරය. එය "අංක 8 කැටපත් පවුර" කොලමයේ දක්වා ඇත! අපට අවශ්‍ය වන්නේ බ්ලොග් ස්වර්ණමය යුගයක් යලිත් ඇතිකිරීමටය. ඒ සඳහා ඔබගේ සහයෝගයද අප නිරන්තරයෙන් බලා පොරොත්තු වෙමු. අප පිළිබඳව හැකි උපරිම ප්‍රචාරණයක් ලබා දෙන්න!

    ReplyDelete

Post a Comment

Popular Posts